Home Police Polis a detene un homber local kende ta wordo sospecha di ta...

Polis a detene un homber local kende ta wordo sospecha di ta download pornografia infantil

SHARE

Download, mira y share pornografia infantil ta algo hopi serio y castigabel pa ley

Oranjestad – Diahuebs den oranan di mainta e homber Melvin L.a wordo treci Warda di Playa, unda e mester a presenta cerca recherchenan di JZP, esaki ta relaciona cu Pornografia Infantil.

Algun siman atras varios persona a wordo deteni como sospechoso di tabata download Pornografia Infantil. Na final mayoria di e sospechosonan aki a wordo laga libertad, despues di varios interogacionnan.
Algun di e sospechosonan aki aparentemente no a download(baha) cantidad grandi di e videonan aki, y esaki a causa cu probablemente no por a tene e sospechosonan aki mas dia deteni.

Casonan manera download, mira y share pornografia Infantil ta wordo tuma mundialmente hopi na serio.
Segun nos a compronde e detencion di e homber aki a wordo haci door di RST, despues cu aparentemente lo a haya un tip for di nan coleganan di Corsou. Coleganan di Corsou lo a haye di nan otro coleganan den exterior, cu ta monitoria tur e tipo di actividadnan manera esaki mundialmente.

Durante cu nan ta monitoria tur e actividadnan aki, nan ta controla e IP adressnan y ta Red Flag e IP Addressnan cu ta hopi activo ariba e tipo di websitenan aki di porno cu menor. E sospechoso Melvin L. ta un IT expert y muy problablemente su IP lo tawata wordo vigila, pa posiblemente e cantidad halto di bishita na websitenan cu ta contene Porno Infantil.

Autoridadnan riba nivel internacional, ta vigila e sitenan aki constantemente, pa di e manera ey trata na combati Pornografia Infantil y abusonan sexual di muchanan chikito mundialmente. Den paisnan grandi muchanan ta wordo horta y bendi, door di vigila e sitenan aki, sa pasa cu e muchanan perdi a cay den man di personanan baho cu ta tene nan mes ocupa cu pornografia infantil y asina sa pasa cu autoridad ta localisa e muchanan perdi.

Investigacion lo determina con hopi e homber aki Melvin L ta bishita e sitenan y kiko lo bira e siguiente pasonan. Melvin L. ta keda un sospechoso, ta deteni y durante interogacion lo sali na cla si e ta culpabel of no.

Semper ta bon pa bo Wi Fi, ta protega cu un password, paso si e ta habri cualke persona por para banda di bo cas y usa bo internet bo IP adres pa download pornografia infantil, cu por pone bo den problema serio cu autoridad.