Avenida Milo Croes/Stadionweg
Diahuebs mainta pa mas o menos 10:30 a.m ta sosode un boksmento entre 3 auto na e crusada Avenida Milo Croes cu Stadionweg.
Loke a sosode tawata cu e Chevrolet Spark tawata di bay bira pa drenta Druivenstraat, pero e no a haci esaki mesora y a duna e truck di carga chance pa sali.
Chauffeur di e truck lo a cuminsa sali, pero probablemente no a tene cuente cu e velocidad y/of distancia di e Nissan pick up. Durante cu ela subi e ta dal e parti patras di e Nissan pick up, mandando esaki ariba e Chevrolet Spark cu a dune chance pa sali.
E Nissan pick up a haya hopi daño material, mustrando cu e ta total los debi cu ela dobla. Pa loke ta e Spark tambe a haya basta daño material tambe.
Parti dilanti di e truck a sufri daño na e bumper.
Tur auto a keda warda ariba nan seguro.
