ORANJESTAD- JULI 2019: Recientemente, ariba 3 di Juli, Soraida Knoop, Agente di Benta na Coldwell Banker a wordo otorga e premio di International Sterling Society. E premio aki ta reconoce Soraida su benta nan impresionante durante aña 2018. E logro aki ta nifica cu Soraida ta clasifica den e top agente nan profesional di benta di Coldwell Banker. Esaki ta un logro hopi grandi pa un agente di real estate considerando cu e mercado na Aruba ta uno hopi chikito. Soraida su conocemento den e mercado, e sector, y dedicacion na su cliente nan ta eleva Coldwell Banker Aruba Realty. “Door di ricibi e premio aki pa dos aña consecutivo ta mustra cu Soraida ta hopi dedica na su cliente nan. Nos ta orguyoso cu Soraida ta forma parti di nos team”- Dick A. Sougé, doño di Coldwell Banker ta splica.