Home Police Auto a perde control y ta dal contra palo di luz ariba...

Auto a perde control y ta dal contra palo di luz ariba Sasaki

SHARE

Sasaki – Diaranson algo pasa di mey anochi polis a bay ariba Sasaki, e banda cu ta bay pa Oranjestad.

Eynan un Kia Picanto a perde control y bay dal contra un palo di luz.

Na  yegada di polis nan a topa cu e Kia Picanto color blauw, pega contra un palo di luz ranca y dobla den 2.

Segun e chauffeur bayendo zuid e vehiculo a cuminsa straño y esaki a pone baha caminda bay dal contra e palo di luz.

Por bisa cu ta suerte tambe, paso algun meter eybando tin e tubonan grandi di e borchi di trafico, cu lo a causa hopi daño tanto material y personal.

E palo di luz a keda colga ariba caminda, y polis mesora a avisa Elmar pa drecha esaki.

Ambulancenan tambe a presenta y Paramediconan a controla e chauffeur.