Home Local Aruba Bank ta firma acuerdo pa aporta na Stichting Deugdelijk Bestuur Aruba...

Aruba Bank ta firma acuerdo pa aporta na Stichting Deugdelijk Bestuur Aruba (SDBA) SDBA ta carga varios proyecto pa sostene “Good Corporate Governance”

SHARE

 

 

ORANJESTAD, Aruba –  “Corporate Governance” ta responsabilidad di nos tur y door di esaki, Aruba Bank N.V. a firma un “Memorandum of Understanding” (MoU) cu Stichting Deugdelijk Bestuur Aruba (SDBA), representa pa Mr. Armand Hessels y Sra. Henna Thodé, pa duna sosten na e proyectonan di investigacion. 

 

E fundacion ta traha pa sigura cu e calidad di practicanan di Gobernacion Corporativo na Aruba ta di bon nivel. E meta di e fundacion ta pa genera conscientisacion den nos comunidad tocante e responsabilidadnan general den direccion di un Aruba saludabel y sostenibel.

E proyecto di investigacion lo sirbi como un base pa trece conscientisacion dentro di nos comunidad tocante e necesidad pa traha di acuerdo cu e normanan di gestion confiabel y pa proteha e bienestar general di e hendenan riba nos isla.

 

Aruba Bank a cana banda di e comunidad di Aruba pa casi un siglo. Nos obhetivo ta pa nos contribucion na SDBA yega na recomendacionnan significativo di opcionnan cu ta trata e desafionan cu nos comunidad ta enfrenta relaciona cu e asuntonan di e Gobiernacion Corporativo.

 

Nos contribucion ta pa Aruba por haci e “Nationaal Integriteits Onderzoek” basa riba e concepto di “Transparency International”. Nos ta e unico pais den reino cu no a haci esaki ainda. Identificando e “gaps” ta e base pa nos por cuminsa cera nan y progresa como pais. Cu e contribucion aki, Aruba bank ta yuda pa haci un analisis asina realidad cual ta pas perfectamente den nos strategic pillar “We Care”: “

 

Como e banco mas grandi na Aruba, nos tin e responsabilidad pa sostene un comunidad y ta pa es motibo Aruba Bank ta scoge pa sostene proyectonan manera esun di Stichting Deugdelijk Bestuur Aruba.