132
Diabierna ultimo e team di Train Hard Fight Smart di Brazil Taekwondo Stichting a biaha pa Europa.
Parti di e team di Train Hard Fight Smart cu a biaha pa Europa ta Danon Delamore, Joshua, Záhyon y Jourdé Klabér. Nan ta preparando na Europa pa nan proximo eventonan Internacional.
Diasabra nan a yega Hulanda unda cu nan a topa cu Jaquon Eisden kende a hiba nan na nan hotel y a mustranan un parti di Amsterdam.
Diadomingo mainta trempan Henk Meijer ex campeon Mundial, coach Olimpico a topa cu nan na aeropuerto y nan a biaha pa Spaña pa train na Jesus Tortosa Camp na e Universidad Autonoma de Madrid.
Despues di e training na Jesus Tortosa nan lo biaha pa Galicia Riveira unda cu ta bay tin un otro trainings camp SO Camp. E ultimo trainings camp lo bay ta na Serbia. Nan mayornan tambe tabata presente pa wak nan yiunan biaha bay pa 6 siman y a deseanan exito cu nan training na Europa cu e meta pa sigui crece den Taekwondo.