Pos Chikito – Diasbra anochi den careda di 11:30 p.m polis a wordo informa di un accidente serio na altura di rotonde Pos Chikito.
Informacionnan ricibi tawata cu auto a dal un persona y esaki lo a keda seriamente herida benta ariba caminda.
Na yegada di polis di trafico e ta constata cu ta trata di un homber di edad. Polis a constata na e manera cu ela keda benta cu elo por a sufri pia y man kibra.
Mesora a pidi ambulance cu urgencia y camindanan a cuminsa wordo cera door di otro patruyanan.
A pidi pa Specialista di trafico tambe cu a yega masha lihe mes na e sitio. Debi cu ta un caso serio a pidi presencia di departamento tecnico tambe di polis. Specialista a pidi pa haci un control di alcohol ariba e chauffeur.
Paramediconan mesora a cuminsa atende e homber cu tawata seriamente herida, cu varios fractura na curpa. E peaton lo a crusa sin pone atencion posiblemente bayendo su cas un 100 meter mas leu por a scucha habitantenan tawata bisa na e sitio.
