Home » Dama balente: Señora cu a wordo horta a core tras di ladron y ta gare poco mas leu

Dama balente: Señora cu a wordo horta a core tras di ladron y ta gare poco mas leu

by Admin
0 comments 139 views

Engelandstraat – Diadomingo mainta pa den careda di 10:30 un señora cu ta bende ariba e Flea Market ariba e tereno pabou di Ex DOW a bira desespera, momento cu un hoben ariba bicicleta a horta su tas cu e benta di 2 dia.

 

E señora balente a pura core su tras, pero esaki a huy bay laga e señora. Otro colega/nan comerciante eybanda a mira kiko tawata pasando, y mesora a ofrece pa yuda.

Mirando cu e señora no tawata tin auto e ora nan a bay core rond cu e señora.

Den Engelandstraat altura di Eagle Tennis Club a spot e hoben di leu, cu e tas di e señora manera nada un pasa.

Cu e auto nan e yega y a bloki’e y nan a baha ariba dje.

E hoben ariba su bicleta a haya sorpesa di su bida, pa motibo cu e no a spera cu nan lo bin su tras.

Den e tas e placa tawata completo na dollars, door cu mayoria di esnan cu ta cumpra na e Flea Market ta turista y nan ta paga na dollars.

Danki na e pareha comerciante cu a sali duna un man mesora, mirando e desesperacion cu e señora tawata pasando aden tratando di bay tras di e hoben.

Hoben ladron

Polis na yegada a reconoce e hoben mesora y a detene. Segun nan a bisa e hoben aki tin un problema cu e no por mira y laga para.

Ta varios biaha ela haye den e mesun tipo di problemanan aki.

Agentenan na e sitio a pidi pa Transportwagen unda ela wordo hiba warda di Playa hunto cu si bicicleta.

Pa cuanto dia elo wordo cera no ta conoci, pa motibo cu ta varios biaha ela horta y aparentemente segun nos a compronde e ta pafo bek.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @ 2023 – 2025 Aruba Native All Right Reserved. Powered by 139 Design Studio Aruba