Belgiëstraat – Diabierna anochi polis a haya informacion di un pick up coriendo masha malo mes ariba e caminda di Boegoeroei pa Oranjestad.
Varios yamada tawata drenta na Central di Polis di un pick up color preto bayendo varios biaha ariba su banda robes.
Patruya di Playa a cuminsa busca e pick up Nissan color preto aki ariba e ruta.
Tipo di chauffernan manera esaki tawata trece e trafico diferente rato den peliger.
Na rotonde di Ponton ela bira bay direccion Santa Helenastraat.
Mas pabou den Belgiëstraat polisnan a logra pare. Na banda tawata tin un dama y polisnan a papia cune tambe.
Pa loke ta e chauffeur mesora agentenan a mira cu e tawata burachi y a pidi presencia di Transportwagen.
Tur dia polisnan ta confronta chauffeurnan manehando auto bou influencia, treciendo nan bida y di otro hendenan den peliger.
Ni maske cuanto polis tene control y detenenan, otronan no ta siña y ta keda bebe alcohol y subi tras di stuur.
Mester bin un ley of miho bisa adapta e ley pa asina sanciona esnan cu ta maneha auto mesora aunke ta bo prome biaha.
Haciendo esaki ta baha e risico grandi ariba camindanan, cu e chauffeurnan ta trece cu nan.
