Santo Patia – Diabierna den oranan di mainta, ta sosode un caso serio di hinkamento den K.I.A. un of mas preso kier a mata un preso yama Jason M. E guardianan di K.I.A. a hayanan ta actua hopi liher pa asina pa evita cu preso(nan) ta mata un otro preso.
Jason M. ta un conoci di Husticia y a yega di wordo condena den pasado pa un caso di asesinato. Por bisa cu Jason M. sigur no ta un persona desconoci den e Instituto Coreccional tampoco.
Diahuebs mainta Jason M. a reuni cu su abogado den e area unda presonan ta ricibi bishita y pa mas o menos 10’or y 45 na momento cu e tabata canando pa bay bek su afdeling, e ta bin topa cu un otro preso,cu por bisa ta su enemigo number 1, cual ta Stephen M.
Wrong place wrong time
Stephen M. tabata den compania di dos otro preso, Miguel S y Luis Flores M. Mesora a start un problema, den cual Stephen muy probablemente lo kier a paga Jason bek pa e daño y dolor cu ela causa Stephen y su famia basta aña pasa, door di a asesina su tata (Junior Regales) cruelmente.
Stephen a actua hopi liher, prome cu mas guardia por a yega pa stop nan. Jason M a keda severamente maltrata y hinca,.
Jason M a wordo hinca cu un obheto skerpi, a ser bisa altura na di su orea, e detenido herida a keda benta riba vloer den un baño di sanger.
Despues cu Jason M a keda seriamente herida, guardianan mesora a pidi pa presencia di ambulance cu maximo urgencia, debi cu e no tawata na tino mas.
Den un estado hopi critico Jason M a wordo transporta cu urgencia pa Hospital, unda ta teme pa su bida.
Jason M ta deteni pa atraco, ela wordo deteni algun siman pasa, den oranan di marduga, durante un entrada hudicial.
Pakiko stephan ta su enemigo?
Jason M a asesina tata di Stephen M basta aña atras, na altura di Ban Ban Cafe situa na Playa Pabou.
Juli 4 2019, despues di hopi aña Stephen M. a bin topa cara cara cu e asesino di su tata dfm.
Autoridadnan concerni a wordo notifica,pa mesora cuminsa cu un investigacion.
Segun nos tin entendi K.I.A ta manera un “ticking time bomb”, rand rand.
Guardianan mes ta nervioso, debi na tanto preso cu tin cera. Door di fayonan serio algun siman atras cu a laga preso robes liber, nan ta masha cauteloso pa no comete e mesun erornan un biaha mas. Algo cu sigur no a cay den bon tera den pueblo.
Pues awor ni maske un preso comporte bon y lesa bijbel henter dia, nan lo pensa dos biaha bon, prome laga preso sali prome cu ora.
