Home » 65 aña di Imeldahof ta ser celebra dia 24 y 25 august cu ‘Nos Feria” pa recauda fondo

65 aña di Imeldahof ta ser celebra dia 24 y 25 august cu ‘Nos Feria” pa recauda fondo

by Admin
0 comment 45 views

 

 

 

O’stad, Aruba: Durante e rueda di prensa cu a ser yama dor di e organizador di “Nos Feria” a relata kico tur lo tuma luga dia 24 y 25 augustus 2019 como tambe e motibo di esaki tambe. Den e caso aki Natalia Hernandez, Directora di Imeldahof a duna di conoce lo siguiente: “Nos di Imeldahof ta celebrando 65 aña y nos deseo ta pa restaura ‘Cas Irene’ cu ta den un situacion basta delicado y p’e motibo ey a planifica un evento destina completamente na famia cu nos a yama ‘Nos Feria’. Esaki nos ta organizando esaki hunto cu Fundacion CEO 58 y Fundacion Imeldahof. Nos a prepara y programa un fin di siman divertido pa henter e famia y specialmente e muchanan. 

 

Un evento cu tin un solo meta su tras, esaki ta pa recauda fondo y alavez celebra Imeldahof su di 65 aña di exsistencia.”

 

Tambe a hiba palabra Conrad Orman di Fundacion CEO 58 y e la señala: “Nos mision y vision pa cu e evento menciona ta pa recauda fondo, tambe e la bisa cu hunto cu Gabrielle Ras a sera cabez pa uni forza pa crea Nos Feria riba e fecha ya menciona. Aki tambe nan a extende e invitacion pa henter e comunidad di nos pais ta parti directo di e evento familiar.  Sin lubida di ta agradecido na Fundacion Isa di New Jersey cu tambe ta forma parti di e evento aki. Desde e prome cu Mick Geis, director di Fundacion ISA, New Jersey a bishita Imelda Hof nunca a lubida nan.

 

“Nos Feria” ta diasabra 24 y diadomingo 25 augustus 2019, dos (2) dia completo pa nos muchanan por recrea den un ambiente familiar den e feria cu lo tuma luga den cura di Imeldahof. Loke a resalta hopi ta cu, tur material cu nan lo usa ta bin di e ‘nucleon recyclable’ y cu por sigui recycla esaki.
Lo tin varios wega cu famia por participa na djie hunto cu e chikitinnan di cas. Tambe lo tin un ‘open house’ den Cas Irene cimi tambe e feria lo conta c’un “Farmers Market” esaki lo ta un area di benta di entre otro arte.  Pa esnan cu ta desea di ta parti di e grandioso “Nos Feria” por tuma contacto cu Gabrielle Ras na 566 0108 pa mas informacion. 

 

Pa Conrad y Gabriëlle Ras a splica tambe cu nan ta habri pa esnan cu ta desea di haci un donacion di cualkier indule, e por ta placa como tambe dona paña cu ta den bon estado y cu por ser re-bendi, articulonan (entre otro co’i hunga) pa mucha di tur edad cu por ser re-usa  den “Nos Feria” ta mas cu bon bini. Nan a gradici tur hende cu ya caba di un forma of otro por medio di nan gesto, ya caba ta contribuyendo n’e fin di siman di “Nos Feria”.

 

Natalia Hernandez y Jennire Bovea, ambos di Imeldahof a mustra cu hopi emocion cu e evento aki ya caba nan ta sinti’e cu e lo ta un exito grandi pa “Fundacion Imeldahof”. Nos Feria lo percura pa ambos dia ta un memorabel, un evento pa henter e famia disfruta y comparti, un evento cu nos muchanan lo diverti inmensamente.”

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio