209
Cumana – Dialuna algo pasa di mey anochi polis a bay pariba di rotonde di Cumana, unda un accidente di trafico a sosode.
Na yegada polisnan a topa cu un Takelwagen y un Suzuki Vitara color cora.
Na e sitio polis a compronde cu Suzuki tawata bayendo direccion Morgenster, pero dado momento ela kita bay na su man robes y dal contra un Takelwagen.
Ambulance a ser pidi pa trata e chauffeur.
Paramediconan a opta pa hiba e chauffeur Hospital.
Polis a compaña e ambulance, y debi cu e chauffeur probablemente tawata bou influencia lo detene despues cu e ricibi trato medico.