Semeleerstraat, Noord: Diasabra algo pasa di 7’or di anochi, presencia di polis a wordo pidi na un cas den Semeleerstraat, pa un caso di destruccion.
NA yegada e polisnan ta bin topa cu enberdad un bentana di e cas destrui, mirando cu e ta un destruccion a pidi pa presencia di departamento tecnico di polis.
E doño di cas a splica polis cu durante e wega di Copa America, a start un problema, e muchanan tabata den e fiebre di voetbal y nan tabata hunga den cura di cas na nan tanta, e bala a bay dal riba e auto di e yiu muhe y asina a start un discussion, despues ora ela yega su cas den Semeleerstraat, a bin topa cu e glas di su bentana di kamber kibra.
Polis Tecnico a presenta y haci nan investigacion, mientras e agentenan policial na e sitio a tuma tur datos di e susedido.
