Cura cabay: Diadomingo pa mas o menos 1’or di marduga ta sosode un accidente riba e caminda principal di Oranjestad pa San Nicolas, esaki a sosode na altura di Subway na Cura Cabay, mesora a manda polis y ambulance na e sitio.
Na yegada nan ta bin topa cu un auto di marca Honda cu basta daño material y chauffeur di e auto tabata drumi otro banda di caminda riba un sero di santo y e tabata kehando di dolor na su pecho, tambe e tabata tin algun kap chikito na su cabes.
Na e sitio e agentanan a bin compronde cu e chauffeur di e Honda pa un of otro motibo a baha caminda a perde control y a dal contra un palo di lus.
Personal di ambulance na e sitio a trata e chauffeur y despues lo a transporte pa hospital. E polisnan na e sitio a pidi pa presencia di ELMAR pa drecha e palo di lus kibra.
