Wageningen Marine Research den un rapport publica recientemente, cu ta forma parti di e proyecto di Dutch Caribbean Nature Alliance (DCNA) “Save Our Sharks” a raporta cu tin por lo menos dies especie di tribon di rif rond di e islanan Hulandes Caribense. E sortonan cu mas ta presente ta e tribon di santo y e tribon di rif Caribense. En general a constata mas tribon den e areanan protegi cu den e areanan no protegi, loke ta enfatisa e importancia di e zonanan aki pa proteccion di tribon.
Cada aña ta mata mas di 100 miyon tribon a consecuencia di piscamento y cortamento di e halanan di tribon, loke ta dos biaha mas tanto cu nan por recompense cu reproduccion. E demanda pa hala y otro producto di tribon a haci cu algun especie ta keda menasa cu nan extinsion. Tribon ta principalmente vulnerabel pa sobrepesca y degradacion di nan habitad, pa motibo cu nan ta tarda pa alcansa nan edad pa reproduci y pues ta reproduci poco. E menasanan principal aki pa trion den nos awanan ta pesca accidental indesea, degradacion di nan habitada y e riesgo di desaroyo di un mercado di hala di tribon, loke por conduci na piscamento dirigi riba tribon y chucho.
Nos tin mester di ocean sano y ocean sano mester di tribon
Tribon ta mantene nos oceannan sano. E animalnan aki cu ta jaagdonan excelente ta elimina animal malo of debil den e gruponan cu nan ta jaag riba nan. Bahamento di e cantidad di tribon ta conduci na un ekilibrio natural den lama cu ta for di balansa. Esaki por tin influencia riba e populacion total di pisca, anto bon populacion di pisca no ta solamente importante pa e piscadonan cu ta depende di pesca, pero tambe pa turismo (di buseo) y pa e comunidad local.
Respeta, no tene miedo, tribon Tribon ta un di e sortonan mas mal comprendi. Pa generacionnan largo tribon tin un mal reputacion no mereci. Hende tin e tendencia pa mira nan como animal spantoso cu ta forma un peliger pa tur loke ta landa den ocen, incluso hend.. Pero nos sa awor cu esaki ta leu di e berdad; e animalnan magnifico aki ta esencial pa ocean sano y e riesgonan ta masha limita.
Proyecto di DCNA “ Save Our Sharks”
Tin falta di informacion tocante distribucion y e cantidad di especie di tribon y chucho den e awanan rond di e islanan Hulandes Caribense. Pa por yena e falta di conocemento aki, DCNA a organisa entre 2015 pa 2018 e serie di proyecto di SOS “Save Our Sharks” pa e seis islanan Hulandes Caribense, financia pa De Nederlandse Postcode Loterij. E proyecto aki tabata un colaboracion entre e piscadonan local y cienficonan cu tabatin como meta gana sosten di e populacion local pa proteccion di tiburon y chucho. Tambe pa amplia conocemento tocante e diferente especienan di tribon y chucho den region door di ehecuta algun proyecto di investigacion.
Investigacion tocante tribon
Un estudio publica recientemente di Wageningen Marine Research, como parti di DCNA su Proyecto SOS a crea un base di informacion pa e actual diversidad di sorto di tiburon, pa distribucion, comportacion di espacio y structura di populacion di tribon cu ta aparece na e rifnan di costa rond di e islanan Hulandes Caribense.
Dos metodo a keda uza pa e cientificonan pa investiga e tiburonnan, Na prome luga nan a haci uzo di e asina yama Baited Remote Underwater Video (BRUV), esaki nan a instala dos camera cu saco di has na nan bou di awa. E ideate pa graba imagen di video ora cu tribon bin riba e has. Por uza e imagennan pa identifica e sorto di tribon y tambe pa registranan. E otro metodo cu a uza pa sigui movecion di tribon tabata telemetria acustico. Den e metodo di investigacion aki tabata transmiti un señal acustico na curpa di un tribon. Na sitionan specifico ta instala un aparato pa capta e señal cu e otro aparato ta transmiti y ora cu tin tribon cu aparato di transmicion pasa den cercania di e aparato cu ta capta e señal (denter di un alcance di 450 pa 850 meter) ta registra e tribon aki.
E prome investigacion di BRUV na Saba, Saba Bank y Sint Eustatius pa por compronde e populacion local di tribon y chucho y nan abundancia relativo. E investigacionnan akí tabata financia pa gobierno di Hulanda. For di 2015 ta haci investigacion complementario rond di Boneiro, Corsou y Sint Maarten, como parti di DCNA su proyecto di SOS. Na 2017 a haci investigacion estilo BRUV na Aruba, cu finansiamentu di Global Finprint.
Como complementario di e proyecto di SOS, a haci estudio di telemetria acustico pa midi y haya miho conocemento di e movecionnan di e tribonnan, nan uzo di habitad, di migracion y di conectividad entre e islanan. E investigacion telemetrico a sigui movecion di dos sorto di tribon, e tribon di rif Caribense (Carcharhinus perezi) y e tribon di santo (Ginglymostoma cirratum) rond di Saba (desde 2014) y seguidamente Saba Bank, Sint Maarten y Sint Eustasius (desde 2015).
Conclusion
E sorto di tribonnan cu ta aparece mas tanto den e metodo BRUV na Sint Maarten, Corsou y Boneiro ta e tribon di rif Caribense, mientras cu rond di Sint Maarten tabata mira tribon di santo tambe regularmente. En general tabata mira mas tribon den e parkenan marino of e zonanan di proteccion cu den e areanan no protegi, loke ta enfatisa e importancia di e zonanan aki. Ademas a constata den comparacion di e resultado di e investigacion estilo BRUV di Sint Maarten, Corsou y Boneiro cu esunnan anterior di Aruba, Saba, Sint Eustatius y Saba Bank cu e investigacionnan BRUV di Aruba tin e diversidad mas grandi (8 sorto) y BRUV di Boneiro tabatin e diversidad mas chikito (2 sorto). E investigacion di Saba a documenta 5 sorto di tribon y esun di Saba bank 4 sorto di tribon. Di Corsou, Sint Eustatius y Sint Maarten a constata cada un 3 sorto di tribon. Ademas a haci un investigacion estilo BRUV extra na profundidad di 300 meter rond di Corsou, cu a mustra un sorto extra di tribon toteki (Cuban dogfish). Na total a mira den e diferente BRUVnan rond di e islanan di Hulandes Caribense por lo menos 10 sorto di tribon.
For di investigacion telemetria acustico a resulta cu tanto mayoria di tribon di rif Caribense como e tribon di santo tin un area di habitad chikito fiho. Migracion grandi entre e areanan ta skars, cu excepcion di dos tribon di rif Caribense y un tribon di santo cu tabata move entre Saba y Saba Bank. E tribonnan di rif Caribense tabata tira biahe cortico entre e areanan, mientras cu e tribon di santo despues di dos aña no a keda detecta na Saba Bank prome cu el a regresa Saba. A registra un otro tribon di santo di un otro estudio na Virgin Islands Americano den e red di investigacion na Saba Bank, esaki ta un distansia di por lo menos 60 kilometer.
Importancia di e areanan protegi
Tanto e investigacionnan estilo BRUV como esun di telemetria acustico a demostra cu tin mas tribon den e areanan protegi cu den e areanan no protegi. E tribonnantabata keda fiel na nan habitad chikito.. Ademas a registra algun movicion riba ruta di distancia largo cu tribon tin entre varios rif. Awor numa nos a cuminsa compronde e conexion entre e areanan aki. E investigacion estilo telemetria acustico cu ta continuando (financia pa e Ministerio di Agricultura, Naturalesa y Calidad di Cuminda (LNV)) lo colecciona mas dato tokante esaki. Pa e motibo aki e parkenan marino no ta solamente crucial pa proteccion di tribon ku chucho, pero rednan di areanan di proteccion mas grandi, manera e Parke Reserva Yarari cu ta encera tur e awanan di Boneiro, Saba y Sint Eustatius ta di importancia pa proteccion di e populacionnan completo.
