Home Sports RESULTADONAN DI BEACH VOLLEYBALL CU A TUMA LUGAR NA JOE LAVEIST SPORTPARK:

RESULTADONAN DI BEACH VOLLEYBALL CU A TUMA LUGAR NA JOE LAVEIST SPORTPARK:

SHARE

SAN NICOLAS: E publico cu a presenta na Joe Laveist Sport Park pa wak e Weganan di Beach Volleyball – muy especial e weganan final – por a goza di algun bon weganan di beach volleyball tanto den e mucha hombernan di U-18 y e Senioren Damas.

Despues di a hunga e weganan pre-eliminatorio – cu un tempo varia – e dos Teamnan di e mucha hombernan forma pa EDDY TORO / JORVIN CUBA y GREGORY DE LA CRUZ / RAHEEM SALIE a bay finale cu otro. Den e prome set ambos equipo a lucha pa cada punto cu a cay, pero na final e Team di Eddy Toro / Jorvin Cuba a gana e set cu e score di 17-15. E di dos set si a bay liher y e duo Eddy Toro y Jorvin Cuba a bay cu e titulo di CAMPEON.

E duo Gregory de la Cruz y Raheem Salie a keda como Sub-Campeon. For di mannan di Presidente di Aruba Volleyball Association sra. Filomena Daniel-Curiel y Referee sr. Leonard Hilman a ganadornan a ricibi nan medayanan y trofeonan. PABIEN !
Aruba Volleyball Association ta felicita e hobennan ganador y alaves ta gradici tur e otro atletanan Canray Rasmijn, Tiger Yang Joshua Steffes y Harvic Orman pa nan participaciona na e Torneo di Beach Volleyball. PABIEN NA TUR ATLETA !