Home » Partido MEP promoviendo nos cultura: CELEBRACION DI DERA GAY UN EXITO ROTUNDO

Partido MEP promoviendo nos cultura: CELEBRACION DI DERA GAY UN EXITO ROTUNDO

by Admin
0 comment 51 views

Meta di Partido MEP semper ta pa promove y duna realse na nos cultura. Pa Partido MEP cultura di nos pais ta hopi importante cu mester wordo manteni y pasa na nos muchanan. Diadomingo atardi na Plaza Status Aparte na Santa Cruz a tuma luga e grandioso celebracion di Dera Gay. E fiesta di San Huan y Dera Gay ta un tradicion importante y bunita den nos pueblo y un biaha mas Partido MEP ta sali pa demostra con importante e tradicion aki ta pa nos.

Un multidud grandi a goza di e diferente actividadnan cu tawata tin, entre otro gruponan di baile di hende grandi, como tambe di muchanan, entre nan nos muchanan special. Diferente bandanan a toca pa deleita e publico cu nan entrenenimento.
Remarcabel tawata nos muchanan y nos hobennan presente cu a bin celebra Dera Gay cu Partido MEP. Nan a participa den grupo di baile y tambe como bishitante hunto cu nan mayornan. E hoben Eliel David a entrega un bunita discurso na unda cu el a gradici Partido MEP, tur minister y parlamentario. E hoben Eliel a skirbi for di su curason e palabranan cu e kier a bisa gradiciendo Gobierno pa proteha y prepara un bon futuro pa nos muchanan.
Prome Minister Evelyn Wever-Croes y Minister di Cultura Xiomara Ruiz-Maduro a hiba palabra gradiciendo esnan presente pa nan presencia y encurashando nos pueplo pa keda semper uni pa nos hunto logra bienestar y progreso pa nos pueblo.
Na e ocacion aki tambe, Presidente di Partido MEP, Parlamentario Hendrick Tevreden, den nomber di Partido MEP a entrega un reconocimento special na Lider di Partido, Prome Minister Evelyn Wever-Croes gradiciendo y felicitando nos Lider pa e 10 aña den politica realisando trabounan incansabel trahando pa Partido y pa henter pueblo di Aruba cu perseverancia. Alaves Parlamentario Tevreden a propone pa Prome Minister Evelyn Wever-Croes keda como Lider di Partido MEP pa e proximo añanan. Prome Minister Evelyn Wever-Croes a expresa cu pe semper ta un placer pa lidera Partido MEP y hunto lo bay pa e proximo eleccion pa sigui traha pa nos pueblo.
Ta algo hopi bunita pa mira con e pueblo ta celebra e fiesta di San Juan, un fiesta di pueblo di berdad. MEP ta compromete di duna cultura e atencion cu e tin mester di berdad. Pabien Aruba cu celebracion di Dera Gay!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio