Home Politics Lider di AVP, mr Mike Eman EMPLEADO TA PERDIENDO 400 FLORIN...

Lider di AVP, mr Mike Eman EMPLEADO TA PERDIENDO 400 FLORIN PA LUNA CU PAKETE DI MEDIDA Empobrecimento preocupante di nos pueblo !

SHARE

 

 

E ultimo cifranan di Centraal Bureau Statistieken (CBS) ta mustra cu e trend di aumento di inflacion cu a inicia na 2018 cu introduccion di e pakete di medida ta continua. Manera e situacion ta Aruba ta bai conoce dos anja tras di otro cifra di inflacion “year to date” rond 5%. CBS: “The percentage change of the CPI over the last twelve (12) months (April 2018 to April 2019) is 4.7..” Den dos anja un aumento di 10% di prijsnan na Aruba. Un situacion cu ta haciendo costo di bida impagabel pa pueblo, e lider di AVP, mr. Mike Eman a analysa.

 

E lider di AVP, mr. Mike Eman ta mustra riba e cifra di CBS cu ta indica kico un famia di 4 persona  mester pa un existencia basico (bestaansminimum) awor ta Afl. 4,728,==. E ta cita 

CBS: The subsistence level for a household consisting of two (2) adults and two (2) children (aged 0-14 years) in April 2019 is Afl. 4,728, while for a single adult household it is Afl. 2,251.

 

E cifra aki na 2017 tabata Afl. 4323,==. CBS: The subsistence level for a household consisting of two (2) adults and two (2) children (aged 0-14 years) in January 2017 is Afl. 4,323, while for a single adult household it is Afl. 2,059.

Esey kiermen cu den apenas dos anja di gobernacion di Gabinete Wever Croes e gastonan mensual pa un famia di 4 persona a subi Afl. 400,== pa luna. Esaki ta suma casi Afl. 5000,== pa anja.

 

Ora nos tende Evelyne Wever Croes bisa cu esaki ta mala suerte e ta haci e dolor mas grandi ainda. Si tabata accepta responsabilidad y pidi disculpa pa e efectonan penoso di e medidanan alomenos lo e por ta fout, pero sincero. Pero ta laba man y haci manera cu su maneho no ta culpa di e desaroyo penoso aki pa pueblo.

 

Eman ta bisa cu na momento cu a introduci BBO na 2007/2008 e impacto tabata mesun devastador. No ta necesario pa bo ta un genio den economia pa calcula cu si introduccion di BBO di 3% a crea un inflacion di 10% na 2008 cu e aumento di BBO cu 3% anno 2018 atrobe riba tres schakel ta bai tin un efecto similar. Esaki sin tuma na concideracion e ampliacion di aplicacion di BBO riba mas producto y servico y otro medidadanan cu e biaha aki a bin aserca.

 

Eman ta cita locual Banco Central (CBA) a bisa di BBO na 2007: “However, at present the government policy is strongly geared towards acquiring additional revenues through, among others, more taxes, which can pose serious negative consequences for Aruba’s competitive position, the business environment, the productivity of labor, etc. Furthermore, the overtaxation of consumers and businesses, especially if this is done to finance ever-increasing current expenditures, only stimulates further aversion towards tax compliance”. 

 

Den esencia CBA e tempo ey a pronistica corectamente e stagnacion di economia y aumento severo di costo di bida. Riba dje Eman ta bisa cu CBA e biaha aki a adverti atrobe pa e efectonan di inflacion y perdida di poder di compra. Y e ta cita CBA: “The introduction of the crisis levy in July 2018 will likely affect real GDP through reduced consumption both in 2018 and 2019”.

 

Banco Central ta bisa cu medidanan lo causa perdida di poder di compra y afecta econmia di Aruba. Anto Evelyne Wever Croes tin e pudor di bisa pueblo cu ta un mala suerte a toca nos Pais. E mala suerte ta cu nos tin e mesun hendenan aki na poder, cu no tin curason y no tin vision pa goberna nos Pais. Unicamente nan sa con pa sirbi amigo y familiarnan un vez mas. 

“Esaki ta un pena hopi grandi pa nos pueblo despues di tur locual nos a haci pa lanta e economia di Aruba y fortifica e poder di compra di nos pueblo”, e lider di AVP, mr. Mike Eman a finalisa bisando.