ORANJESTAD, Aruba: Den fin di siman a tuma luga final di categorianan A y B di Fundacion VOZ-I-LANDIA Escolar na Cas di Cultura. Hopi mucha a participa na e festival aki contando cu contribucion di Aruba Bank. E banco cu ta carga nomber di nos pais a aporta na e fundacion pa por a organisa e festival tan gusta.
Contribucion na e festival ta traduci den engrandece nos cultura musical cu canticanan pa mucha na Papiamento. Cada participante a interpreta diferente cantica na Papiamento dilanti un publico grandi. Tin cu gradici e compositor y areglistanan cu a coopera cu nos muchanan door di compone y aregla canticanan completamente nobo na Papiamento.
E dia aki Maybeline Arends-Croes a dirigi e coro, pero tambe a percura cu tur miembro di hurado a ricibi tur material necesario pa por a eherce nan trabou como hurado. Pabien na e ganado di categoria A y ganado di categoria B.