Caya Frere Johannes, Paradijswijk: Diadomingo algo prome cu 5’or di mainta, presencia di polis ta wordo pidi den Caya Frere Johannes, pa un boksmento, entre un takelwagen y un Mitsubishi Lancer, blanco,numera A8536, e auto aki ta pertenece na Elmar.
Na yegada nan ta bin compronde cu e Takelwagen tabata para riba e acera pero e skina di e parti patras no tabata full riba e acera, e skina di e flatbom tabata riba caminda. E chauffeur di e Mitsubishi Lancer, bou influencia y den e scuridad, no por a calcula e distancia bon y a pasa dal e parti di dilanti di su auto contra e pida di e takelwagen cu tabata riba caminda.
E daño haci na e Mitsubishi Lancer ta considerabel, windshield a keda completamente destrui y tambe e parti di dilanti di e auto a haya hopi daño material. afortunadamente e chauffeur no a resulta herida.
E chauffeur a supla mas cu ta wordo permiti y pa e motibo aki a keda deteni. Aparentemente e chauffeur ta un empleado di hopi aña di e compania di NV ELMAR. E ta un hefe cu tin permiso pa bay cas cu auto di compania, pa si acaso tin cualke problema cu coriente mesora e por sali bay atende cu nan.
Ela wordo transporta cu transportwagen di polis pa warda di polis.
