Home » A absorba aumento y ta sigui duna bek na comunidad FMSA y Bo Guia FM a parti T-shirt pa fiesta di San Juan

A absorba aumento y ta sigui duna bek na comunidad FMSA y Bo Guia FM a parti T-shirt pa fiesta di San Juan

by Admin
0 comment 55 views

 

ORANJESTAD, Aruba – 21 di Juni 2019: Fuel Marketing & Supply Aruba (FMSA) hunto cu radio emisora Bo Guia 88.89FM a parti T-shirt na alumnonan di 3de klas na 5 diferente scol situa tur rond di nos isla. E T-shirtnan ta en conexion cu celebracion di e fiesta di San Juan, esta “Dera Gay”. Tambe a pasa na 12 stacionnan di combustibel pa parti T-shirt na e empeadonan como tambe na clientenan. A tuma e momento pa duna un splicacion chikito na e muchanan riba e fiesta tradicional di Aruba y corda nan cu ta den nan mesun man pa sigui cu e tradicion.

Bo Guia 88.9 FM ta contento cu e aña aki atrobe por aporta na e celebracion di fiesta di San Juan, esta Dera Gay. Pa por a rescata e celebracion y inculca esaki den e muchanan, a bin cu e proyecto pa regala T-shirt na scol. E proyecto aki no tabata posibel si no a ricibi e cooperacion di e compania nacional FMSA.

Miriam “Mimi” Rosel-Koolman ta corda pueblo cu ta importante pa sigui cu e tradicion, pero tambe pa rescata e tradicion cu ta fiesta di San Juan. “Danki na FMSA cu nos por a haci esaki e aña aki un biaha mas.”

FMSA ta percura pa distribui gasolin y diesel na tur pompstation, pero tambe jetfuel na Aeropuerto pa tur avion. Den e ultimo 3 lunanan FMSA a absorba por lo menos 36.9 cen di e aumento y a dicidi di mantene y aporta na e tradicion di San Juan. David Kock, Document Control Analist Fuel Marketing & Supply Aruba a expresa di ta contento cu atrobe FMSA a logra aporta na e fiesta di San Juan.

Diabierna mainta FMSA hunto cu Bo Guia a parti 250 T-shirt na scolnan: St. Famia, St. Anna, Emma School, Colegio Laura Wernet-Paskel y Cacique Macuarima. Tambe a parti na e 12 pompstations. “Cu amor patrio ban rescata y preserva y promove e fiesta tradicional”, el a bisa. David Kock a corda e palabranan di nos Libertador Betico Croes “no tin pueblo sin cultura, no tin cultura sin tradicion”.

Desde 1 di october 2016, Fuels Marketing & Supply Aruba ta resorta bou di Refineria di Aruba N.V. Nan tin 36 empleado bon prepara y capaz pa suministra tur 14 stacion di combustibel na Aruba y na nan operacion na Aeropuerto. FMSA tin 13 truck moviendo riba caretera y 8 truck riba rampa na Aeropuerto. Anualmente ta entrega +/- 200 miyon liter di combustibel na Aruba, den un forma sigur y eficiente.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio