Sasaki – Diasabra atardi den careda di 6:30 p.m polis y ambulance a wordo manda cu urgencia ariba Sasaki, poco panort di Ex House of Cheng bayendo nort.
Eynan un auto Nissan a ranca un palo di luz y e chauffeur lo ta herida.
Na yegada polisnan a haya e chauffeur drumi ariba tera banda di caminda, e tawata sinti dolor na su schouder.
Loke a sosode tawata cu durante cu e cabayero tawata bayendo nort, un Chevrolet Spark maneha pa un dama a sali di un di e camindanan di tera. E dama no a calcula e velocidad y distancia di e Nissan.
Chauffeur di e Nissan a reacciona pa no dal e Spark y a bay dal e palo di luz, causanso basta daño na su auto.
E dama hopi responsabel a keda na e sitio y baha bay bise e cabayero sorry di loke a pasa.
Ambulance a yega y Paramediconan mesora a bay atende cu e chauffeur.