Un persona deteni na Pos Abou, relaciona cu un posibel brommer horta

Pos Abou – Un cabayera cu su brommer a wordo horta weekend pasa na un Hotel a haya un tip cu tin un brommer mescos na un adres na Pos Abou.

Ela bay e adres y berdad a mira un brommer cu lo ta parse esun di dje.

Segun nos a compronde ela puntra e persona cu tawata den posesion di e brommer si e por mire di cerca. Debi cu e parse esun di dje cu nan a horta.

Wel, esaki no a cay den bon tera cerca e persona cu tawata tin e. E homber a altera masha hopi mes.

E persona cu ta buscando su brommer horta no a keda nada otro pa yama polis.

Na yegada di polis e homber su actitud no a cambia, pues a keda haci problema y polis a hayanan ta detene.

Pa loke ta e brommer ela wordo confisca pa investigacion.