Arashi – Diahuebs atardi alarma a wordo bati pa dos persona cu lo a haya nan mes den problema ariba 2 Waverunner pafo di Arashi.
Mesora unidadnan di Strandpolitie a bay e sitio y tambe a avisa Maritiem politie cu a sali e direccion.
For di tera enberdad por a mira e dos waverunnernan leu y bayendo mas pafo.
Esnan ariba nan mes no por a mira nada di nan.
A resulta cu e dos hendenan cu tawata ariba a bula na awa y landa bay tera, pero hopi mas panort di Arashi Beach.
Patruya a bay e momento eynan unda e dos personanan a yega tera, ambulance tambe a ser avisa of ya tawata yegando debi cu un di nan a guli basta awa.
Loke a ser bisa na polis tawata cu nan a sali di Fisherman’s Hut y bay direccion Arashi, ey ta caminda cu un di e machinenan a overheat y a paga.
Dado momento un ola a bin y dal e amigo di dje benta den lama, y ora e no por a mira su amigo mas ela bula na awa pa yude door cu ela bay bou awa.
E ora ey nan a dicidi di landa bin tera.
Mientrastanto Maritiem Politie a yega na e Waverunnernan y a lastra ambos bin direccion Moomba, unda e compania di lo a saca nan for di lama.