Home Sports Aruba Athletic Federation celebrando 56 anja di campeonato nacional

Aruba Athletic Federation celebrando 56 anja di campeonato nacional

SHARE

 

 

Diabierna awor dia 21 di Juni 2019, pa 5:30pm ta cuminsa e evento Harry Janssen National Championship cual pa di 56 anja ta wordo organisa pa Aruba Athletic Federation. E evento lo tuma lugar na Compleho Deportivo Guillermo Trinidad caminda lo desplega diferente disciplina di Track and Field. Tambe lo tin Throwing events na Centro Deportivo Betico Croes. E evento lo sigi Diasabra 22 di Juni di 9:00am te cu 11:00am y tambe parti atardi di 5:30pm pa 9:30pm.

 

Aruba Athletic Federation su directiva nobo ta trahando riba tres pilar pa fortifica e deporte di atletismo na Aruba cual nan ta:

  1. Pa trece 2 coach internacional specialisa pa asina esaki nan por yuda entrena nos atleta nan pero tambe pa fortifica e nivel di nos coach nan local c uta traha masa duru cu nos atleta nan.
  2. Nos ta formando un programa cu e skolnan en combinacion cu COA su Talent Identification Program nos lo crea mas posibilidad pa mas mucha practica atletismo.
  3. Huntu cu Ministerio di Deporte nos ta trahando riba un ubicacion pa traha un stadion Track & Field nobo pa por practica mihor y organiza evenementonan internacional aki na Aruba.

 

Nos ta convenci cu aplicando e strategia aki nos lo fortifica atletismo na Aruba.

 

Nos ta invita Aruba henter pa bin dia 21 y 22 di Juni na Compleho Deportivo Guillermo Trinidad y tambe na Centro Deportivo Betico Croes pa sostene e participante nan y tambe wordo inspira pa cuminsa den e deporte aki.