Interact Club of Aruba, Schakel College a wordo funda na 2016 door di Rotary Club of Aruba. Interact ta un service club pa hoben nan di edad di 12 pa 18 anja cu kier hasi bon bek pa comunidad. E Interact Club aki ta specificamente pa e alumno nan di Schakel College.
Na e anochi di instalacion a celebra e logro nan di presidente saliente Maxime Ingwersen i su directiva. Ademas a instala un total di 29 miembro nobo cu lo forma parti di Interact.
Despues di esaki a bai over na instala e di cuater president pa Interact Club of Aruba cual ta Sufi Wadhwani. E miembro nan di directiva a keda como lo sigiente: Kayleanah de Cuba (secretaria), Bethe Mondria (tesorero), Maxime Ingwersen (presidente saliente), Elise LA Haye (vice presidente), Josephine van der Linde (fellowship), Troy Pauw (relacionista publico) Alex Manichand (sergeant at arms). Door cu Interact ta parti di Schakel College, dos maestra ta fungi como consehero: Melany van Trigt-Tweeboom i Andreina Schwengle-Krosendijk.
Sufi a termina e anochi gradiciendo tur presente, Rotary i Rotaract Club of Aruba.
