Home Politics Parlamentario Marlon Sneek Minister Lampe ta insisti pa caba cu Tra’i Merdia

Parlamentario Marlon Sneek Minister Lampe ta insisti pa caba cu Tra’i Merdia

SHARE

 

 

No por conclui nada otro cu minister di enseñansa, Rudy Lampe tin mal intencion y hasta un plan diabolico pa loke maneho di enseñansa, segun lider di fraccion di AVP, Marlon Sneek a trece dilanti.
Segun sr Sneek, a manda e minister aki den parlamento pa asina e por duna cuenta riba Tra’i Merdia den cual reunion sin duda e minister a sinti cu e direccion cu e kier bay cu e no tin sosten di parlamento ya cu parlamento no ta kere cu mester cambia structura di Tra’i Merdia cu ta existi pa mas ci 23 aña.

Parlamentario Sneek a sigui mustra cu kisas loke ta hunga un rol ta e hecho cu e proyecto aki ta uno cu partido AVP a introduci y e minister kier kibra esaki an filingrana, pero caminda parlamento a bisa su persona cu nan no ta kere den e plan cu e tin.

“Pa cuminsa minister Lampe ta manda esunnan cu mester haci ‘huiswerkbegeleiding’ cas, pues ora cu e muchanan yega Tra’i Merdia, un di e cosnan mas importante pa mayornan cu ta manda nan yiu eynan, ta e huiswerkbegeleiding y net e grupo aki minister ta dicidi di manda nan cas.

Fuera di e grupo aki, minister Lampe kier manda e lider di e gruponan cas cu ta pone cu no tin lider pa duna guia y un hende cu ta atende un klas, tin cu bay atende cu problema y situacionnan cu ta presenta na e centro.

Den e reunion cu e minister nos a informa su  persona cu e mester contesta e preguntanan cu a wordo dirigi na su persona  y el a sigura cu e lo contesta esakinan y bin bek parlamento, pero ya tres siman a pasa y minister Lampe no a contesta preguntanan di parlamento y loke ta mas serio ainda, e minister a sigui cu ehecucion di su plan.

Pa colmo awor informacion ta drenta cu e parti di scholing a wordo manda cas 

, no a bestel material nobo pa e schooljaar nobo y for di e comportacion di  minister Lampe, cu pa su persona Tra’i Merdia tin cu stop di existi.

Fuera di esakinan minister lo a saca un carta den cual ta ofrece pensionadonan, un trabou  como0 part timer na Tra’i Merdia pa wak pa e muchanan.

Cu esaki dunando indicacion cu e ni mester di e lidernan mas, ya cu ta otro hende ta bay duna muziekles, otro hende ta bay duna sport, pues e minister su plan ta pa caba cu Tra’i Merdia manera cu e ta existi.

Pa nos esaki ta un falta di respet pa parlamento ya cu parlamento a duna e minister su pensamento riba e asunto aki, ta priminti cu lo bay contesta y te dia di awe no a duna ningun contesta, pero ta sigui cu e plan cu e tin den su cabes, sin para keto na e hecho cu parlamento ta esun cu mester contrala su maneho y mester tuna respet na esaki.

Sinembargo nos a ripara cu minister Lampe no tin respet pa Parlamento, no ta kibra su cabesn cu locual ta pidi di dje y ta djis dal bay cu su plan, un plan macabro cu e tin pa loke ta e proyecto di Tra’i Merdia.”