Home » Lider di fraccion Marlon Sneek Ta kita airco di scolnan ya cu gobierno no a paga A elimna security guard tamb e

Lider di fraccion Marlon Sneek Ta kita airco di scolnan ya cu gobierno no a paga A elimna security guard tamb e

by Admin
0 comment 55 views

 

 

Lider di fraccion di AVP, sr Marlon Sneek ta mustra cu e maneho di minister Rudy Lampe pa loke ta trata enseñansa, ta sin pisa ni cabes y ta causando incertidumbre riba tur nivel di enseñansa.

“Fuera di problemanan cu e ta ocasionando pa loke ta e proyecto di  Tra’i Merdia, tin cantidad di otro situacionnan cu ta sigui bin dilanti  den enseñansa y aki tin cu mustra cu den presupuesto 2017 di onderwijsfonds, a pone placa disponibel pa cuminsa un proyecto pa scolnan por haya airco.

Manera tur hende sa ya caba tin hopi scol ora cu nan a wordo renoba of  a construi compleho totalmente nobo, gobierno di AVP a inclui airco den e proyectonan aki y banda di esaki gobierno hasta a cuminsa c’un programa e tempo aya pa pone solar panel riba dak di scolnan pa asina scolnan por tin fondonan adicional cu nan a spaar cu esaki, pa sigui inverti den nan  mesun scol.

Awor ta bin resulta cu minister Lampe a bay traha un deal caminda e a bisa cu e ta paga e scolnan akio 30% di e airconan y tur luna e lo paga e suma cu a keda atras, pa e haci kico cu e placa aki, ningun hende sa.

Locual cu si nos ta na altura di dje ta cu e compania cu a gana e bidding aki a presenta  na e scolnan aki pa kita airco bay cu nan pa motibo cu gobierno no ta pagando esakinan.

Esaki a loke tin awendia den enseñansa aki na Aruba caminda in 200 mil florin pa luna pa gasa den un helikopter cu no a haciendo nada  y unico cos cu e a haci ta bula rond hopi abou spantando hende pero te dia di awe e no a aporta na algo drechi pa loke ta criminalidad y mucho menos pa cuida nos costanan.

Pero si gobierno ta gasta tur luna 200 mil florin den e helikopter aki anto enseñansa ta sangrando, compania ta bay scolnan pa kita airco pasobra gobierno no ta paga.

Scolnan ta haya carta  informando cu gobieno no ta bay paga security guard mas cu ta otro asunto serio.

Algun dia atras tabatin un  grupo di maestrol, entre nan algun maestro di scol basico Washington, kendenan a bin entrega un manifesto, ya cu nan a sinti cu nan bida ta na peliger den e situacion cu nan tin na e scol, mirando cierto situacionnan cu a presenta.

Na luga di bay duna atencion na esaki y busca un forma con pa atende cu esaki, gobierno y e minister ta bay over na kita security guard, bisando e scolnan cu ta nan cuenta.

Awor tur hende tin carte blanche, caminda tur hende tabata sa kico ta pasando eynan, cu hendenan ta bula kibra cosnan di e sol, haciendo un desaster den cura di e scol y awor minister ta dicidi di kita tur security guard for di tur scol y crea mesun delicado cu tabata existi den pasado.

Esaki ta di lamenta y ora cu pasa riba tur e puntonan caminda minister Lampe ta fayando, no ttin otro conclusion pa saca cu e plan cu miniser di enseñansa tin pa enseñansa, ta un plan macabro,” lider di fraccion di AVP, Marlon Sneek  a declara.

    

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio