Durante docking di container ship: Cabuya a bula y dal trahado probablemente kibrando su pia

Oranjestad – Diamars mainta ambulance a ser solicita na Waf, pa un tripulante cu a tawata herida.

Durante cu e Tugboat Nanki di Citgo Marine tawata yudando e Barco di Container Atlas dock, cu un cabuya lo a snap(bula) y dal un tripulante na su pia robes.

Debi cu e cabuyanan aki tin hopi tension ariba nan esaki lo a fractura pia of heup di e victima.

Mesora a avisa kuststation y na nan turno lo a avisa 911 pa un ambulance.

Autoridadnan concerni a wordo avisa, loke ta e proceduranan normal den casonan asina.

Segun nos a compronde barconan grandi manera esaki di auto ta usa dos Tugboat pa ora e drenta.

E tripulante lo a wordo someti na un operacion den oranan di merdia.