Home » Rocco Tjon: Proyecto “Port City Aruba” mester haya tur prioridad

Rocco Tjon: Proyecto “Port City Aruba” mester haya tur prioridad

by Admin
0 comment 73 views

 

 

Minister di Turismo, sr. Dangui Oduber a anuncia cu e proceso di destaho publico pa e proyecto “Port City Aruba” ta den etapa final. Nos ta sostene e vision di Minister pa “Port City Aruba” bira un realidad, pasobra pa hopi aña e tereno aki no ta genera entrada pero solamente gasto pa pais Aruba.

 

CONSTRUCCION Y DESAROYO

Manera nos tin entendi lo desaroya y construi mas o menos 8000m2 pa aña. E impacto cu e desaroyo aki lo tin riba e sector di construccion anualmente ta hopi positivo. Hunto cu e desaroyo aki pais Aruba lo conoce mas cupo di trabou y obviamente mas entrada tambe.

 

FASE DI EXPLOITACION

E impacto economico durante y despues di e fase di construccion ta mustra di ta sumamente positivo. Esaki ta loke a conclui di e investigacion pa loke ta e proyeccionnan haci. E impacto riba turismo, segun e modelo di “High value Low Impact” lo ta significante, pero tambe e lo tin un impacto significante pa loke ta aspectonan laboral y comercio en general.

 

PA CONCLUI

Nos ta kere den e vision di Minister di Turismo pa transforma un area “morto” cu ta costa pais Aruba placa den uno cu ta bay genera entrada pa pais Aruba, cupo di trabou pa nos comunidad y un area recreacional caminda pueblo por acudi pa entretene nan mes y relaha.

 

Preguntanan por escrito a wordo haci na Minister Dangui Oduber, pa e por indica na ki momento lo inicia e proyecto aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio