Malmok – Diadomingo ariba dia di Tata un foto di algun UTV’s a circula ariba Social Media, y esaki no tawata nada positivo.
Pakiko? Pasobra e UTV nan aki cu tawata 4 en totol a drenta lama cu e vehiculonan.
Un foto a wordo saca y esaki a bay rond, creando un disgusto bou nos pueblo.
Tawata trata di 4 Hulandes Europeo.
Durante dia e grupo aki lo a Offroad cu e vehiculonan aki, y mas cu logica nan a bira sushi di tur e tera etc etc
Segun nan version, nan lo no kier a entrega e doño e UTVnan sushi, y drenta den lama cu e vehiculonan pa “labanan”.
Esaki no a cay nada bon ariba e Isla di Aruba, cu a condena e hecho aki.
Cos no a keda te eynan, e potret cu a cuminsa circula rond a yega na e doño di e vehiculonan tambe.
Ora nan a yega e doño a atende cu nan mesora, ariba loke nan a haci y lo a mustranan e potret.
E grupo a pidi e doño disculpa y te hasta tur 4 a scirbi un “carta” individual pa e comunidad di Aruba, esta cu nan ta sorry di loke a pasa.
Pero, na mes momento nan a contact un abogado na Hulanda i e abogado a bisanan of consehanan pa no paga nada na e doño di e vehiculonan.
E vehiculonan aki no ta nada barata y e doño ta haya cu nan ta responsabel, pues un hende mester core cu e gastonan.
Si nan no por yega na otro, e doño di e UTVnan probablemente lo bay lanta un Kortgeding.
E doño ta insisti cu un persona mester paga e gastonan pa e awa salo cu lo causa daño na e vehiculonan aki den futuro.