ORANJESTAD, Aruba – Aruba Bank tabata presente na Centro di Bario Tanki Leendert pa haci un presentacion na Grupo Flor di Aloe 60+. Representantenan di banco a comparti informacion y a ofrece solucion pa necesidadnan di ciudadanonan di edad mas halto
E miembronan a disfruta di e mainta informativo y tabata tin oportunidad pa atende diferente tema importante cu tin di haber cu servicionan bancario y solucionnan inovativo cu Aruba Bank ta ofrece na tur cliente di banco. Entre otro a papia di online banking y ‘self service options’ y con e grupo por haci miho uzo di esaki na e sucursalnan rond Aruba, cu asistencia special den Digital Lounges di banco.
Awendia ta esencial pa tur cliente, sin importa e edad, di tin acceso na solucion bancario segun nan necesidadnan, unda y na momento cu e cliente ta desea. E sesion informativo aki tabata uno hopi interactivo.
Aruba Bank ta contento di mira mas grupo di 60+ manera Grupo di Flor Aloe activo y satisfecho di ricibi informacion tocante solucionnan inovativo bancario, facil y lihe.
