Home » Vocero di AVP, Melvin Tromp Fraccionnan di gobierno kier a changa un protocol firma pa Prome Minister

Vocero di AVP, Melvin Tromp Fraccionnan di gobierno kier a changa un protocol firma pa Prome Minister

by Admin
0 comment 56 views

 

 

Un set di 11 tigernan di papel a sinta diahuebs den sala di Parlmento, ora cu a trata e ley nobo di LAFT  cual tabata un reunion cu for di aña pasa caba henter munto tabata sa, cu e fraccionnan aki mester a trata e aproba e ley aki manera cu gobierno a mande.

Vocero di partidi AVP, sr Melvin Tromp a mustra cu a sinta hunga comedia politico pa oranan largo, bisa cosnan sin sentido, hunga rol di para duro pero  na mes momento tur cos tabata ‘in kanen en kruiken.’

“Pa oranan largo por a sinta scucha un grupo di politico inepto, tratando na scapa cara politico, tratando di hunga un wega cu nan a perde for di aña pasa caba ora cu Prome Minister Evelyne Wever Croes a firma un protocol cu gobierno di Reino riba extension di e ley aki.

For di e momentonan ey, e ley cu a wordo aproba diahuebs ultimo pa e 11  marionetanan di gobierno, tabata algo cu no por a cambia mas y den un intento pa mustra fuerte, a presenta un amienda pa e ley cu gobierno  a presenta, pero cual amienda tambe tin cu obedece e protocol cu a wordo firma.

Por a scucha politiconan grita cantidad di cos, grita locuranan sin sentido,; argumenta cosnan cu pa algun luna caba no ta discutibel mas, hungando wega pa mustra cu nan lo bay haci algo contra gobierno di Reino pa scapa autonomia di Parlamento.

Den e mesun grupo di 11 tigernan di papel aki tin algun pa varios luna caba a papia cu nan lo no sostene y aproba e ley aki, cu nan ta considera inconstitucional, cu nan lo para firma y pone gobierno di Reino respeta autonomia di parlamento pa loke ta trata presupuesto di e pais.
Tur e gritonan ey a bay perdi diahuebs, of miho bisa for di varios luna caba, ya cu nan gobierno mes a dicidi di bula nan cabes afo dor di acorda un protocol cu parlamento mes no a haya pa mira prome cu el a wordo firma.

 

Tur tabata grito den desierto, gritonan bashi y awor cu nan firma di aprobacion bou di e ley aki, ta keda confirma cu nan ta marionetanan di nan propio gobierno, cu ta determina kico nan tin cu haci den parlamento, kico nan tin cu sostene sin cu nan tin participacion den esaki.

Pueblo por corda con algun siman atras miembro di parlamento pa e fraccion mas grandi di MEP, a bin dilanti den prensa gritando cu Henk Kamp cu ta forma parti di CFT, ta un miembro contra tur regla palabra sinta den e comision aki.

A manda carta Hulanda pa keha riba e tema aki, a cuestiona presencia di Kamp den tur forma politico posibel y diahuebs ultimo e tipo cu boca grandi cu a exigi Hulanda pa expulsa Kamp for di e comision, awor tin e mesun Henk Kamp aki practicamente como  su maestro.

Tur loke nan atende den cualkier presupuesto, presupuesto supletorio of cualkier otro asunto cu tin di haber cu presupuesto di Aruba, nan tin cu manda pa CFT cu Henk Kamp como miembro pa nan controla si gobierno tta cumpli cu palabracionnan haci, caminda Kamp y e comision di CFT lo informa gobierno di Reino si e presupuesto aki ta aceptabel of no.

Anto kico nos ta haya, cu mesun payaso aki a dicidi di publica den medionan di comunicacion, c’un miembro di fraccion di AVP, sr Richard Arends den e caso aki, a trata di manipula Parlamento, un muestra total di falta di argumento y na mes momento, muestra di un incapacidad total como parlamentario y como politico.

For di aña pasa gabinete Wever Croes a manipula tur 12 miembronan cu ta sostene e gabinete den parlamento, esey  ta e unico manipulacion cu a tuma luga pero aparentemente e tipo aki no kier mira con gobierno a trata su pesona como un chambon cu  tin cu obece tur loke gobierno ta bisa nan pa haci.

Fraccion di AVP tabatin solamente un miembro cu a hiba palabra ya cu realmentte no tabatin nada mas di papia ariba y e decision di entrega un amienda pa trata di cambia algo den e ley aki presenta pa gobierno, tabata simplemente un perdemento di tempo ya cu ta protocol a duna CFT bida di nobo y ta gobierno di Reino finalmente lo determina kico ta bay pasa cu presupuestonan di pais Aruba pa algun aña.

Un protocol firma pa prome minister Evelyne Wever Croes  via di fax cu a corta tur poder di parlamento for di e momentonan ey,” Melvin Tromp a declara.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio