Home » Fundacion Sea Bunita Sea Bo Mes Fashion Show 2019 un exito completo

Fundacion Sea Bunita Sea Bo Mes Fashion Show 2019 un exito completo

by Admin
0 comment 63 views

 

Fundacion Sea Bunita Sea Bo Mes Fashion Show 2019 a resulta di ta un exito completo, diasabra ultimo den un Renaissance Convention Center completamente yen, na unda nos muchanan special a briya hunto cu nan celebridadnan riba escenario. Tur cos a cuminsa pa banda di 7.15pm na unda nos Prome Minister Evelyn Wever-Croes a habri desfile di e tapijt cora hunto cu su modelo special Johnisha Medina realisando su soño di wordo acompaña pa nos Prome Minister di Aruba. Asina tambe tur nos modelonan special a pasa ariba tapijt cora desfilando pa e gran show. Un bon show cu un bon programa hinca den otro cu di principio te final a luci fantastico. Mester bisa cu nos muchanan, hobennan y adultonan special a gosa y briya asina special ariba e escenario. Esaki nos por a tuma nota cu nan expresion di cara y cu un smile asina grandi transmitiendo e alegria cu ta brota di nan curazon. Palabranan di elogio pa e motornan tras di Fundacion Sea Bunita Sea Bo Mes cu ta sr. Hans y sra. Marienela Geerman cu a traha incansablemente pa logra e di 4 aña di e sublime show aki. Un pabien na e mayornan di tur nos dushi muchanan y hobennan special cu a yuda y laga nan yiu participa y na un y tur cu di un manera of otro a contribui pa haci e show aki exitoso.

Bunita momento ora cu nos Prome Minister a reconoce Ilaijah Croes, nos reina di Carnaval Hubenil Aruba 2019 y tambe Shawndre Geerman cu a representa Aruba varios biaha ariba tarima internacional como hobennan di Excelencia logrando inclusion den nos comunidad.

Na tur e boutiquenan, Beauty Salonnan. Renaissance Convention Center, Magaly Thijssen. Lorraine Daal,  Elite Productions, Team Films, Canal 22 y sr. Edmond Croes, danki pa transmiti esaki Live pa Aruba, Chaz Models and Talent School,  Edselyn Figaroa, Eltienne Yarzagaray, Claudius Philips, Jaydiene Croes, Anaïsa Orman, Nestor Mendoza, Jeon Thiel, Zion Yanez y demas celebridadnan, Aida Danies, Eliandra, Eliomar, Paola, Tiby, Chaz crew, na e MC nan Jean Carlo Espinal, Rachel Hennep y Jarirza Correa, bosonan tur hopi danki di curazon. Sandra Croes danki pa tur ayudo di bo curazon pa cu e fundacion. Na nos invitadonan special di Curaçao, danki pa forma parti.  Y na tur cu a cumpra ticket y a apoya nos muchanan y hobennan special den nan lucha pa inclusion un miyon di danki y na sr. Manolo Giel y tur Prensa di Aruba cu a yuda nos masha masha danki. Cu Dios bendiciona cada un di boso pa boso gesto di yuda nos muchanan special.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio