Home » Fundacion Bernadina ta gradici despues di un super exitoso festival

Fundacion Bernadina ta gradici despues di un super exitoso festival

by Admin
0 comment 56 views

 

 

Fundacion Bernadina pa medio di un comunicado ta gradici un y tur pa nan aporte na e grandioso festival edicion #7 di cancionnan tipico dedica  na nos inolvidabel Mama di Cultura Aruba dfm, Sra. Bernadina Growell-Kock. 

Ganador maximo di e festival aki cu a tuma lugar diasabra dia 8 di juni den centro di Bario Brazil tabata Antonieta Ras-Booi. 

Di 2 luga:Mario Kelly Jr.

Di 3 luga; Lucia Thiel.

Di 4 luga: Hubert Ras.

Di 5 luga.: Daphne Kelly-Martyn.

Cantante mas Popular: Jessica Gonzalvez.

 

Un pabien grandi di curason na tur ganado, famia di Bernadina, henter organisacion, Fundacion Bernadina. Palabranan di gratitud ta bai den direccion di voluntarionan, cada un di e participantenan, protagonistanan di e anochi, Aruba Bank cu a yuda cu trofeonan, na Instituto di Cultura, na  VIP Radio, na cada director, banda, musico, cantantenan, cuerpo di hurado, ekipo di zonido, maestro di ceremonia, reinanan, grupo di baile,  prensa y publico en general. E tremendo aporte di un y tur a garantisa e exito di un edicion #7 di e Festival, cu yen di ambiente y colorido. Durante e anochi a corona diferente Reina di cultura. Fundacion Bernadina a corona su reinanan. 1. Ivy Anne Brayson: reina chikitin 2. Genisha Angel: reina dama cultural 3. Giannine Wester-Orman reina gran dama cultural y despues 4. Lilian Koolman- Besselink: dama grandi cultural. Grupo di baile Danza Aruba tambe a corona nan bunita reina den persona di Gladys Ignacio. Special palabra di aprecio y gratitud ta bai tambe pa 4 hobennan cu a participa na e festival: Ivy Ann Bryson, Edyliene Nicolaas, Javinah Besselink y Priscilla Quandt.  Masha danki tambe na Daniel Willems pa su bunita presentacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio