Home » Problema escalante di cachonan, maltrata, abusa y neglisha na Aruba, cu Gobierno ta ignora!

Problema escalante di cachonan, maltrata, abusa y neglisha na Aruba, cu Gobierno ta ignora!

by Admin
0 comment 93 views

 

 

  • Bo tawata sa cu pa siman cada fundacion ta recoge mas o menos 50 pa 60 puppies riba caya, sin conta esunnan adulto?
  • Bo tawata sa cu e cantidad aki ta exclui esunnan cu no por ser recogi ni saca di e ambiente di abuso y maltrato cu nan ta aden paso no tin luga pa ponenan, paso no tin placa pa tratanan, ni doño pa cuidanan?
  • Bo tawata sa cu pa siman Fundacionnan huntu cu City Inspector(s) ta haña mas o menos 20 caso di cachonan den e estado aki na Aruba; sin awa, na cadena di menos cu 1 meter mara, pesta cu carpata y purga, desnutri, sin luga pa sconde pa awa of solo, tur na sarna y asina por sigi menciona.
  • Bo tawata sa cu 30% di doñonan di cacho na Aruba ta abusa, abandona, maltrata y neglisha nan bestianan?
  • Bo tawata sa cu e mayoria donacion pa support e trabou di nos fundacionnan pa e causa aki ta bin di afo y no local?
  • Bo tawata sa cu e problema principal di e superpoblacion di bestia na Aruba ta ocasiona door di doñonan cu no tin niun idea di e bentahanan y prevencionnan di castra y steriliza nan bestia?
  • Bo tawata sa cu e otro problema principal ta cu doñonan no tin niun idea di e intensidad di e problematica aki y e realidad andando na Aruba pues ta opta pa sigi multiplica?
  • Bo tawata sa cu mayoria Arubiano no sa e balor y calidad di nos mesun cachonan criollo? O sea cu nos cachonan criollo/cunucu ta ser balora y aprecia mas internacionalmente cu na nos mesun isla y pa nos mesun hendenan?
  • Bo tawata sa cu 7 di cada 10 hende na Aruba ta prefera di busca un cacho pa su raza, sin ta consiente cu TUR cacho tin e mesun abilidad pa duna amor y lealtad? Paso tur otro caracteristica ta externo, dus su apariencia etc., pero TUR tin e mesun abilidadnan interno!

 

Aruba tin un problema escalante cu lo no minimaliza ni sikiera para si no bin intervencion di gobierno. Fundacionnan nan mannan ta mara, hopi kier ser hasi, voluntarionan ta dispuesto pa yuda y traha, pero si no tin:

 

  • un luga y tereno adecua pa por saca e bestianan aki y hincanan aden
  • fondo necesario pa cuminda y medicamento

 

  1. un veterinario pa eherce e trabounan y tratamentonan mediconan necesario
  2. Leynan mas severo pa doñonan cu ta neglisha e derechonan di nan bestianan,

tur trabou y esfuerzo lo ta envano.

 

Fundacionnan ta purbando di tur manera pa tuma contacto den diferente forma cu gobierno sin haña un solucion, hopi a ser priminti pero te cu awe nada a ser hasi, tur cos a keda na promesa y palabra, pero mientras tanto fundacionnan nan mannan ta yen yen purbando di yuda y para pa e causa intenso aki sin ningun resultado serca gobierno.

 

Fundacionnan ta boga pa gobierno tuma e problematica aki cu e seriedad y prontitud necesario, paso manera Gandhi sabiamente a bisa:

 

“The greatness of a nation and its moral progress can be judged by the way its animals are treated. I hold that the more helpless a creature the more entitled it is to protecton by man from the cruelty of humankind”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio