145
Bernhardstraat, San Nicolas: Diasabra marduga den careda di 1’or, polis a bay patras di un Bar Restaurant situa ariba Bernhardstraat pa un dama na sanger.
Na yegada di polis, enberdad nan a topa cu un dama na sanger, elo tawata tin un corta basta serio.
Na mes momento e agentenan policial a constata cu e muhe tawata hopi burachi y casi no por a para ariba su pianan.
E dama aki cu ta un persona conoci den e bario aki, elo tawata bebe algun rato prome den e bar restaurant y despues a sali, probablemente pa bay su cas.
Lamentabelmente e dama no a yega mucho leu, debi cu e tawata cana zwaai cu un boter, esaki lo a cay spart y a corte.
Debi cu e herida tawata sangra hopi a pidi pa presencia di un ambulance pa asina transport’e pa Imsan.
