Boegoeroei – Diabierna merdia den careda di 2’or polis a bay Boegoeroei pa un persona indesea. E persona aki lo a bay keda na un apartamento final di mei, pero tawata causa hopi molester.
Segun e Management di e apartamento e homber aki a bin cu 4 cacho tambe, un di nan auto a dal mata y a keda tres.Personal di e luga a yama polis varios biaha pe, pero nada no ta cambia.
Management di e apartamento a bise cu diabierna prome cu 12’or di merdia e mester sali, esaki tampoco ela cumpli cune y ta sigui haci cosnan di onbeschoft.
Den careda di 2’or di merdia patruya cu a bay atende cune un biaha mas y pa delaster biaha.Aki ta caminda cu un di su cachonan brabo parse te hasta a purba morde polis.
Durante cu polis y e Management di e apartamento tawata atende cune pa e move, ela purba ataca un personal di e apartamento.Ela purba bente over di e balcon, cu tur e consecuencianan cu esaki por tin.
Aki polisnan a cuminsa lucha cune y a pidi refuerso, debi cu e homber aki tawata basta agresivo.Despues di algun rato mientras mas polis tawata yegando nan a logra domine.
Mesora a pidi transportwagen pa hibe warda di Shaba, unda cu na su yegada eynan si e tawata “calmo”.
Segun e Management nan lo entrega keho di maltrato y tambe keho cu ela trata di benta un personal di nan over di e balcon, cu tur e consecuencianan cu esaki por tin cune.
