Home » Aruba ban brinda sosten na nos adultonan, muchanan y hobennan special durante Sea Bunita Sea Bo Mes fashion show dia 8 di juni proximo

Aruba ban brinda sosten na nos adultonan, muchanan y hobennan special durante Sea Bunita Sea Bo Mes fashion show dia 8 di juni proximo

by Admin
0 comment 65 views

 

Fundacion Sea Bunita Sea Bo Mes ta continua y ta sigui presenta su modelonan cu lo desfila ariba tapijt cora y tambe ariba pasarela diasabra awor 8 di juni den e prestigioso Renaissance Convention Center durante e Sea Bunita Sea Bo Mes fashion show di nos adultonan, muchanan y hobennan special.

Nos siguiente modelonan cu ta cla pa desfila ta Jenny Ras, Jo Annabella Vrieswijk Colina, Jeanlyne Dirksen, Lyverson Croes, Divianne Koolman, adultonan, muchanan y hobennan super inteligente cu bendicion special y cu lo wordo acompaña door di nos celebridadnan di Aruba cu semper ta cla pa duna tur nan sosten pa cu nos muchanan y hobennan special y acompaña nan ariba e pasarela den Renaissance Convention Center dia 8 di juni proximo.

Fundacion Sea Bunita Sea Bo Mes ta gradici cada un di e patrocinadornan, boutiquenan di moda cu ta participando y a yuda cu e vestuario di nos muchanan y hobennan special pa diasabra awor.

Un anochi cu ta bay bira grandi un biaha mas,  esaki pa di 4 aña cu Fundacion Sea Bunita Sea Bo Mes ta organisando e anochi bunita aki. Lo bay tin hopi sorpresa durante e anochi aki combina cu canto, baile, declamacion di poesia y e famoso pasarela unda nos por bay aprecia e talento di nos muchanan y hobennan special.

Cumpra bo carchi na balor di awg 35,– cu ta obtenibel cerca tur mayor di nos muchanan y hobennan special. Pa mas informacion por tuma contacto cu sra. Marienela Geerman na cel # 733-1431.

Aruba ban duna tur nos apoyo y brinda nos adultonan, muchanan y hobennan special tur nos sosten den nan lucha pa inclusion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio