Sero Blanco: Diabierna algo prome cu 12’or di merdia, un dama herida a baha for di un auto y a bati alarma. Esaki a sosode na altura di Colegio EPI. Mesora a manda un patruya di polis na e sitio.
Na yegada enberdad nan ta topa cu un dama cu tabata sangrando basta na su brasa. E dama a conta polis cu su pareha a cuminsa pleita cu ne y a saca un draaischroef y a hink’e cu esaki.
E homber mes no a keda na e sitio, pero a baha e dama y a sigui bay den e auto, lagando e dama herida atras.
E agentenan na e sitio a pidi pa presencia di Ambulance pa trata e dama kende tabata keha di basta dolor.
E agentenan policial a tuma declaracion di e dama, ela dunanan informacion di e auto y di e homber.
Despues di un rato e homber a bay entrega su mes na Warda di polis. E motibo pakiko e pleito a yega asina leu no ta conoci.
