Riba djamars 28 di mei Sambil a selebrá 4 aña di eksistensha! E mainta a kuminsá ku un santu sakrifisio di misa pa yama Dios danki pa tur e logronan durante e 4 aña nan aki. Mas atardi a kanta bolo i sigui selebrá ku tur ku tabata presente! Manera semper Sambil ta yen di sorpresa i pa e aniversario aki nan tabatin un tremendo rifa. Tur ku a kumpra durante e luna di april i mei por a partisipá! Egon Jansen a kumpra na bath and Body Works i resultá e felis ganador di un scooter nobo nobo!
Ta parse manera ta ayera ku e sentro komersial aki a habri su portanan pa brinda henter e pueblo di Kòrsou un lugá nobo kaminda famia, amigo i konosí por relahá i dibertí! Awor despues di 4 aña Sambil a risibí mas ku 10 mion bishitante i ta ofresé mas ku 100 tienda, diferente marka i variedad di kuminda tur bou di un dak!
Luis Moreno, gerente general di Sambil Curacao: “Un danki na henter e pueblo di Kòrsou danki di por a kere den nos i spera boso sigui skohe nos komo boso lugá preferí pa hasi boso kompra, kompartí i dibertí! Danki di kurason na henter e team di Sambil ku ta trata tur dia pa por ofresé e bon servisio!