ORNAJESTAD – Si acaso bo ta un pensionado, of dentro di corto plaso lo baha cu pensioen y bo kier sigi uza bo carera y experiencia di bida den bo mesun negoshi y ta pensando: ‘con pa cuminsa’ of ‘kico pa bay haci awo’ of si bo tin un negoshi y banda di esaki kier update bo mes cu technologia y innovacion..…….
Esaki ta bo oportunidad pa bin haya un posibel contesta ariba bo preguntanan, y na mes un momento haya sa mas tocante algun experiencia di comerciantenan actual den e workshop di:
“Silver Entrepreneurship”.
IDEA (Desaroyo pa Empresa Arubano) un unidad di Departamento di Asuntonan Economico, Comercio y Industria, a organisando e workshop aki y ta invita tur persona cu kier bira un entrepreneur, cu ta cay den e grupo di meta menciona aki riba, pa bin participa den e workshop, cu sigur lo aporta na boso conocemento.
Diferente profesional den diferente ramo lo bay presenta e workshop. Durante e dianan di e workshop, e oradornan lo yuda’bo brainstorm bo ideanan y haci nan ideanan bira realidad.
E siguiente oradornan lo ta presente y lo presenta e siguiente topiconan:
- Sr. Dave Martinus, Certified Business Coach pa ActionCOACH, y lo presenta ‘Kico ta ensera entrepreneurship’;
- Sr. Marc Croes, Policy Advisor Sustainable Development Planning na Departamento di Asuntonan Economico; y lo elabora ‘Con pa aplica e tema sostenibilidad den bo negoshi’;
- Notaris Johnson; lo presenta temanan di: bedrijfsvormen (eenmanszaak/ NV/ VBA), bedrijfsopvolgingen (diferencia den companianan) ora cu bo lo kier cuminsa un negoshi y tambe lo presenta tocante testamenten/ nalatenschap (kico por laga atras y pa ken);
- DEZHI, afdeling di Vestiging van Bedrijven lo papia di tur e tipo di vestigingsvergunningen (permisonan pa establece un negoshi) cu tin y cu bo lo por aplica na e departamento aki y IDEA, lo papia tocante tur nan servicio- y trainingnan/ curso cu nan sa ofrece na clientenan;
-
- Sr. Benny Richardson, lo papia y mustra e importancia pa ta exitoso den bo bida personal door di biba un bida saludabel (come saludabel y sport). Tur esaki ta bo mindset pa ta un entrepreneur exitoso!;
- Sr. Kenneth Faustin, broker na Best Buy Aruba y un Certified Auctioneer, lo papia tocante oportunidad comercial den ‘Real Estate’;
- SVB, lo presenta tocante wergevers- en werknemers verzekering (primanan social);
- Sra. Tamarah Arends-Croes, Business Electronic Sales Specialist na RBC Bank, lo elabora riba nan procedura pa habri un account y e producto/ servicionan innovativo cu RBC ta ofrece;
- Futura, lo presenta 2 topico:
‘Future of Work’ y ‘Design Thinking’ special pa pensionadonan;
- Santa Rosa, con bo por haci agricultura bira comercial;
- Sra. Cindy Clark, Managing Director di Accura Tax Consultancy, lo elabora tocante impuesto relevante pa un entrepreneur;
- SETAR, lo elabora tocante e importancia di ‘Digital Marketing’. Lo duna tips efectivo con pa promove bo negoshi via social media manera Facebook, Instagram, Google Search. Y lo papia tambe tocante Direct Email;
- Lo tin intercambio di experiencia di:
– Sr. Lionel Rumnit, kende ta specialisa como Job Coach na ‘Trampolin pa Trabao’, y lo conta, con e ta train e personanan cu disabilidad pa den futuro por dentra den mercado laboral den nos sociedad;
– sra. Rosa Alberto, propietario di Ginger Aruba Rosken, kende a cuminsa su negoshi ora e la drenta su edad di pensioen;
– Sr. Loui Richardson propietario di Invest Secure; con pa continua cu bo negoshi ora bo jega bo edad di pension;
– Sr. Merrill Robles (un pensionado), con e ta juda comunidad pa medio di un negoshi y pafor di un negoshi.
E workshopnan ta completamente gratis y ta tuma lugar dianan 10 pa 14 juni venidero, entre 8:15 a.m. pa 12:30 p.m na Departamento di Asuntonan Economico, Comercio y Industria. na Sun Plaza, di dos piso, sala # 25, di 8.15 am pa 12.30 pm.
Solamente si acaso bo persona ta desea di participa ful e siman den e workshop, mester registra obligatoriamente via e siguiente link:
Si acaso mester di mas informacion por yama diaranson 29 mei of desde dialuna 3 juni, sra. Judella Trim of sra. Louella Croes na telefon #: 521-2400/521-2440/521-2439.
Cupo ta limita, nos ta wardabo!
Abo tin un Idea? Hasi bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.
1