Home Police VIDEO ATTACHED: Polis a detene homber cu a dal amigo un tubo...

VIDEO ATTACHED: Polis a detene homber cu a dal amigo un tubo den cara

SHARE

Steenweg – Diasabra anochi polis a wordo avisa di un caso di maltrata altura di Priki Food Center, unda un homber lo a wordo gedal cu un tubo den cara.

Na yegada di polis nan a topa cu e dos hombernan, uno cu un golpi na cara. Nan tawata papia “manera nada un pasa”.

Ambos ta biba eybanda mes, den diferente cambernan cu ta wordo gehuur.

Polis a constata cu e hombernan aki a bebe, mirando nan comportacion.

Cada un tawata acusa otro di algo y eynan tawata unda e discusion a bay for di man. Segun e agresor, esun cu ela dal a saca un machete pe y na su turno ela pasa man pa un pida hero.

Cu e hero aki ela dal e den su cara.

Pero e version ey lo no tawata cuadra y polis a bay over na detene e agresor despues di algun rato. E tubo cu ela usa tambe polis a confisca.

Ela wordo geboei y hiba warda.

Mientrastanto e Paramediconan cu a yega na e sitio a atende cu e amigo herida.

E golpi no tawata di e serio ey, pero si tawata un area cu ta haci dolor.