Rooi Taki(Franse Pas) – Diasabra marduga pa mas o menos 4’or polis a bay pura e conocido bocht na Rooi Taki(Franse Pas), pa un auto cu a bolter.
Na yegada polisnan a pensa cu manera mayoria di e otro accidentenan na e birada ey, e auto lo tawata benta den e Saliña. Pero e auto aki no tawata den e Saliña.
Tawata trata di Hyundai i10, y ela bolter precisamente unda DOW a pone e heronan ariba caminda den e bocht.
Na e sitio nos a compronde cu e chauffeur a pega soño, y ta despues cu e auto a bolter elo a bin bij y a lanta (for di soño).
Polisnan no a confia e cuenta y a usa e Alco-Sensor(aparato pa controla Alcohol).
E chauffeur a supla y a resulta cu e chauffeur no tawata burachi y tampoco tawata herida.
Pues soño a hunga un rol grandi e ora ey. Pero, precisamente den e bocht na “Franse Pas”.