Home » Adicto yama Juancho cendi na candela den forno di kalki na Rancho

Adicto yama Juancho cendi na candela den forno di kalki na Rancho

by Admin
0 comment 72 views

Ranchostraat – Diasabra atardi unidadnan di rescate a bay cu urgencia e caya di Kowloon Restaurant bay pabou. Den e forno di kalki (Kalkoven) lo tawata tin candela y den dje tin un persona.

Na yegada nan a topa cu un homber adicto, cu kemaduranan na varios parti di su curpa.
Segun esnan den vecindario e homber tawata drumi eyden, y un hende muhe cu tambe ta adicto lo a cende na candela.

Hendenan cu tawata eybanda a papia di un tal Mexi cu lo a cende e candela. Si ta asina, e mesun un muhe aki lo a purba cende candela na oficina di Monumentenbureau.

Dos ambulance a presenta pa atende cu e adicto cu tawata den basta dolor. E adicto cu a comete e acto no tawata presenta mas na e sitio.

Paramediconan despues di e logra pone e adicto ariba e stretcher a sali cune cu urgencia pa Hospital.

E forno na e sitio tawata saca un holor hopi desagradabel, un indicacion cu adictonan lo por ta use tambe pa haci nan necesidadnan. Brandweer a logra paga e candela ora nan a yega.

Polis na final a pidi pa recherche, debi cu ta un caso basta serio.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio