Grupo di turista a accidenta cu v-car na rotonde cerca di Marriott

L.G.Smith Blvd – Diaranson den oranan di marduga polis a bay e rotonde na Marriott, pa un auto cu a accidenta.

Na yegada polisnan a topa cu un Hyundai Accent v- car parcialmente ariba e rotonde.

E auto a kibra e muraya cu ta rond di e rotonde tambe. Polis por s conclui cu e chauffeur no a regula su velocidad momento cu e tawata yegando e rotonde.

E chauffeur a haya un kap na cachete, pero aparentemente no tawata desea di a wordo atendi door di Paramediconan.

Su motibo tawata cu e servicio ey ta hopi caro.

Den e auto tawata tin mas hende, y nan tawata manehando di Palm Beach pa Malmok.