Finansas publico manehabel y duradero ta di gran importancia pa tur pais y sigur pa Aruba tambe. Awo mas cu nunca mirando cu debe di Aruba ta casi yega 4.4 biyon di cual den tempo di gobernacion di AVP so, esaki a redobla hibando Aruba asina den situacion dificil y vulnerabel. Pa drecha e situacion y hiba pais Aruba su finansas publico bek na normanan manera den aña 2008 y 2009 ta bay tin su retonan y alabes lo dura añanan largo pa recupera e situacion stabil cu Aruba tawata aden.
Manera nos por corda den aña 2008 debe di Aruba na e GDP tawata rond di 42% y esaki a casi yega 90% den aña 2017.
For di tablanan estadistico, cu ta rapportagenan cu Banco Central di Aruba ta emiti, por tuma nota con finansas publico di pais Aruba a desaroya den 2018 y alabes den e prome lunanan di 2019. Pa loke ta trata 2018, por nota claramente cu financas publico ta bayendo den miho curso cu algun añanan anterior momento cu signatura berde tawata goberna.
Por nota cu den 2018 Aruba a ricibi 79.4 miyon florin na entrada procedente di diferente fuente manera loonbelasting, invoerrechten y BBO/BAZV y tambe desde juli 2018 cu introduccion di BAVP.
Por constata tambe cu gastonan di Gobierno den 2018 no a surpasa loke a presupuesta na gasto y hasta a resulta di ta 6.1 miyon florin menos cu e aña anterior. Esakinan ta muestra cu Gobierno actual ta manteniendo nan mes na palabracion y ta mustrando e determinacion pa yega na un finansas publico balansa y manehabel.
Aunke esakinan ta señalnan den bon direccion por pensa si cu e caminda pa yega bek na situacion di finansas publico manehabel y conforne normanan internacional lo dura y nos tur sa cu esaki ta causa door di e gobierno di signatura berde.
Pa loke ta trata e resultado entre entrada y gasto, cu ta e “financial deficiet”, pa 2018 a resulta di ta 45.2 miyon cu ta un resultado den nivelnan di aña 2007 y 2008 bek. Esaki mirando cu den tempo di gobernacion di AVP no twt yega e nivelnan aki, si no resultadonann di deficit mucho mas grandi.
Por nota den tabel adhunto, cu ta un tabla tambe publica pa Banco Central di Aruba, entrada pa aña 2019 cu ta mustra di ta 15 miyon mas den e prome 3 lunanan. Ainda tin cu ricibi e informacion di gasto pa asina por haya un bon bista di resultado si tin un deficit of un surplus den di 3e kwartal di 2019. (Tabel 1)