Home Politics Parlamentario Endy Croes: Despues di 10 aña di lucha, 5 Hues den...

Parlamentario Endy Croes: Despues di 10 aña di lucha, 5 Hues den Cassatie na Hulanda ta condena Ernst & Young como culpabel di un rapport onrechtmatig y falso den caso di Lotto

SHARE

Parlamentario Endy Croes a splica cu diabierna ultimo den oranan di mainta su Abogado Anthony Ruiz a sorprend’e cu un yamada agradabel cual a trece masha hopi alegria den henter famia. Despues cu Endy Croes a gana Ernst & Young na HOF dia 16 di januari 2018 unda HOF a duna un veredicto y a conclui cu Ernst & Young ta culpabel pa a traha un rapport ilicito y falso cu yen di engaño contra Croes, Ernst & Young a bay Cassatie na Hulanda. Den un veredicto di 23 pagina di HOF na 2018 unda 3 Hues a bay hopi detaya riba e modus operandi di Ernst & Young contra Croes.

Decision na Hulandes den e vonnis ey ta como lo siguiente: ”verklaart voor recht dat Ernst & Young zich schuldig heeft gemaakt aan een onrechtmatige daad jegens Croes”. Ernst & Young como un compania multi miyonario mundialmente renombra como un di esnan di e Big Four den mundo di accounting a dicidi di bay Cassatie na Hulanda. Pues den 2018 aunke Parlamentario Croes tabata hopi activo den su trabounan sirbiendo su pueblo como Parlamentario mester a sigui lucha contra e “monster” cu un determinacion sin igual hunto cu su abogado Ruiz y team mas un team na Hulanda. Diabierna ultimo sinembargo veredicto di Cassatie a drenta unda 5 Hues na Hulanda a reconfirma e decision di HOF cu Ernst & Young a comete un onrechtmatige daad contra Croes. Casi 10 aña di lucha feroz y sacrificio sin igual awor a yega su final. EY no tin mas caminda legal pa cana y porfin e berdad awe lo keda ancra den historia.

Parlamentario Endy Croes no a bay den detayes pero kier invita henter pueblo di Aruba pa sigui e conferencia di prensa dialuna mainta 11 am unda Abogado Anthony Ruiz lo bay amplia riba e sentencia di Hoge Raad. Tabata un caminda di cruz pero cu pasenshi Bo ta gana gloria. Penado no ta pena pa semper, Croes ta termina bisando.