Oranjestad – Diadomingo den oranan di dia nos a haya e tristo noticia cu Aruba a conoce su di 6 morto den trafico.
Ta trata di e motociclista cu a accidenta ariba april 3 altura di Linear Park, poco mas pariba di Cas di Gobernador. Esaki a sosode april 3 den oranan di merdia den careda di 1’or ney.
E dia ey un Jeep SUV tawata bezig ta reverse subiendo caminda, y e brommer aki tawata biniendo cu velocidad halto for di pabou, y a trata na evita e impacto pero ta dal hopi duro contra e parti patras di e Jeep SUV. Despues ta sigui lastra bay cay mas pariba, e momento eynan ya ela haya hopi golpi.
E tawata na tino y parse te hasta e kier a lanta, pero esnan cerca a papia cune y wante te ora ambulance a yega unda a sali cune cu maximo urgencia direccion Hospital.
Segun nos a compronde, dos dia despues ela sali cu Air Ambulance direccion Colombia, unda ela permanece y a haya multiple complicacion. Y diadomingo mei 19 a drenta e noticia tristo e motociclista a Yerlin G. Mendieta Gomez 8 Feb 1994 (25) naci na Aruba a fayece.
Di parti di www.Arubanative.com nos kier a manda palabranan di condolencia na e famia di e fayecido.