68
ORANJESTAD, Aruba – Riu Palace Aruba, dirigi p’e gerencia, a celebra Dia di Mama cu su empleadonan mama, sorprendiendo nan cu un momento special: un presentacion di grupo di mariachi, cu a duna tur un bunita y serenata emocional.
Durante e ora di lunch break di mamanan e grupo di mariachi a bini den cafetaria pa sorprende e mamanan. Tur mama presente a disfruta di e bunita canticanan dedica na nan, tabata den un ambiente di famia y algun tabata canta hunto cu e grupo di mariachi.
Cada mama a ricibi for di gerencia un bunita flor di regalo p’e dia bunita aki. Tur mama tabata feliz di a ricibi nan flor y e bunita serenata cu Riu Palace Aruba a obsekia nan. Cu sonrisa na cara cada mama a termina di come y a bay sigui haci nan trabou.